یئـکـــــن اولکــــه سینــــــــه

خوش گلمیسیز

 

فونت زيبا سازفونت زيبا سازفونت زيبا سازفونت زيبا سازفونت زيبا ساز

 



تاريخ : جمعه هشتم آذر 1392 | 5:4 | نویسنده : نعمت اله جعفری |
کربلا زوارلاری آدلی بو مطلبی بیر نئچه آیدی ایستیردیم وبلاگدا قویوم.آمما اونا گوره کی اوخول (مدرسه ) لارین ایمتاحان واختیدی و منده بیر اویرتمن (معلیم ) اولدوغوما گوره چوخلی ایشیم واریدی بو ایشه گئجیکدیم گئچن یازین سون آیی یئکن اولکه سینین " یئکن کهریز یندن" یئرمیه یوخون زوار کربلایه گئدیب و زیارت فیضینه چاتاندان سونرا وطنه دوندولر. بو زوارین کربلایه گئتمه سی و بونلاردان قاباخدا " حاج جعفر جعفری و اونون آناسی حاج خانیم رضایی " نین حج زیارتینه گئتمه لری ، یئکن اولکه سینده اولان قدیم رسمیلر دن بیر نئچه سینی اوزه گئتدی و جاوانلار بو قدیم رسم لری کی گئتدیکجه یاددان چیخیردیلار یاخوندان گوردولر و اولکه میزین حورمتلی بویوکلریله بیرلیکده بو رسمی یاخشی بیر صورتده یدرینه گتیردیلر.بو رسم لری قدیمجه اوشاقلیق زامانیندا دفه لرجه گورموشدوم کی بیری زیارته گئدنده ، رحمتلیک : میر محمد هاشمی،رحمتلیک محمدرضا جعفری، محمود آقایی ،میرحسین هاشمی و آیری لاری مناجات چکردیلر و چوخلو جماعتی گوریدیم کی مناجاتلارا سس وئریب و امام زادیا گئدیب و قایدایدیلر و هابئله زوارینان جماعت بیربیر گلیب گوروشوب و حلال لاشیردیلار.آمما اوشاق اولدوغونا گوره بو گورشمه لر و مناجاتین ایچینده کی اولان فایدالی و درین دوشونجه سین دوشونه بیلمیردیم. ایندی ایستیرم بو یاخشی رسم لری بیر آز آچیخلادیب و اونلارین ایچینده اولان فایدالی و دیرلی معنالاری چیخاردام.

۱- زوار:

زوار او نلاردیلارکی  مشهد،قم ، کربلا و حج زیارتینه گئدیلرو قدیمدن رسم دی کی زیارته گتمک دن قاباخ گئرک اوز حساب کیتابلارینا یئتیشیب و جماعتین حلالیغینی آلیب اوندان سونرا زیارته گئده لر . اونا گوره وطنی ترک ائتمه دن قاباخ جماعتی اوز ائوینه یا مسجدلرین بیرینه چاغیریب اونلاردان بیر چای و شیرنی و یئملی میوه لردن وئریب و حلال لیق  آلمالیدی.

مناجات چکمک :

کندین جماعتیندن بیر نئچه سی مناجات چکن اولور و زوار امام زادیا گئدنده و زیارتدن گلنده بو سوزلری دییللر.

و جماعت اونلارا سس وئریب و هر بیر سوزون سونوندا " بر محمد و آله صلوات " دئییلر.

هرکس کی محمدی دی محمدین گول جمالینه صلوات.        بر محمد و آله صلوات

دم به دم قدم به قدم زوار کربلا صلوات.                             بر محمد و آله صلوات

علی اکبر و قاسم داماد کربلا صلوات.                               بر محمد و آله صلوات

غریب خاک خراسان حضرت رضا صلوات.                            بر محمد و آله صلوات 

علمدار حسین ، سقای کربلا صلوات.                               بر محمد و آله صلوات

به پادشاه نجف ، گنبد طلا صلوات.                                   بر محمد و آله صلوات

دئمه لیم کی قدیم مناجات وئرنلردن بو مراسمده میر توحید حمزه لو ، میرحسین هاشمی و جاونلاردان

داریوش جعفری ، روح اله باقری و ...  مناجات دیوردیلر.

بو شکیل  لر کربلایی حصار رستمی نین کربلادان گلمسینی گورسدیر.

بازگشت زوار کربلا/روبروی منزل کربلایی حصار رستمی/یکان کهریز

کربلا زوارلارینین قوربان داوارلاریندان بیریسی

کربلایی حصار رستمینین قوربانلیق داواری

زوار زیارتدن گلنده قاباغیندا قوربان کسیب و اونون اتینی پیشییب و کند اهلینی مسجده چاغیریب و اونلارا وئریلیر.

کربلایی باقری/ کربلایی رستمی

 

یازانی : نعمت اله جعفری



تاريخ : یکشنبه بیست و ششم مرداد 1393 | 2:44 | نویسنده : نعمت اله جعفری |

گلمیشم

ای قریب مملکت، ای قوربت دیار

دئمه یولاریمی آزیب گلمیشم

آلنیما نه یازیب،آللهیم بیلیر

من اؤز داستانیمی یازیب گلمیشم

 

کؤکوم،چیچکلریم،تاغیم اؤردادی

من بوردا خسته یم ،ساغیم اؤردادی

قایالی،بولاغلی داغیم اؤردادی

داملایام قایادان سیزیب گلمیشم

 

اؤزون بیل اؤوزگه یه بیلدیرمه منی

آغلادا آغلادا گولدورمه منی

سن آلله قوربتده اؤلدورمه منی

قبریمی وطنده قازیب گلمیشم

 

بو شعیری " زلیمخان" آلمانیا دا دئییب

 



تاريخ : پنجشنبه بیست و سوم مرداد 1393 | 4:9 | نویسنده : نعمت اله جعفری |
تیکرارلاما - یالنیشدیرمالار تورک فولکولوروندا چتین و دیله یاتمایان بیر سوزلردن عیبارتدی کی چتین اولدوغونا گوره هر اینسانا اونلارین تیکرارلاماسی چتین و یا ایمکانسیز اولور.

تیکرالاما سوزلری تورک ادبیاتیندا اوشاقلار آراسیندا چوخ مرسوم اولدوغو حالدا گاهدان گئنیش بیر صورتده بویوکلر آراسیندادا بیر اویون کیمی اجرا اولونور.

 " یئکن اولکه سینده " قوهوم - قونشو و دوسلار بیر یئره ییغیشیب  بو سوزلرله اوزون گئجه لرده اوزلرینه و اوشاقلارینا بو سوزلرله بیر یاخشی شادلیق چیخاردیب و اوشاقلارینین دیل دانیشماقلارینی گوجلندیریب و بیر بیرینین سوزلریندن فایدالانیردیلار .

تیکرارلاما سوزلرینه دریندن باخاندا بوسوزلرین نئچه قولدان فایدالی اولماسی گوزه دییر :

۱- آنا دیلیمیزی اوشاقلار ایچینده دانیشماسینی گوجلندیریر.

۲- بو سوزلرین بیر پاراسیندا اوشاقلارا ایشلرین دوز گورمه سینی اورگدیر لر .

آتی مین ایتی قوو - ایتی قوو آتی مین.

بو ایکی جومله نی دئمک بیر ائله ده چتین دئیل . آمما اوشاقلرین چوخی ایکینجی جومله ده سهو ائدیب و بو شکلیده دئیللر" ایتی مین آتی قوو " و بئله لیکله اوشاقلار آراسندا بیر اویرنج یارادیلیر کی : ایتی مینمزلر.

۳- بو اویون اوشاقلارین درین دوشونجه لرین و دقت لی اولمالارین گئنیش لندیریر.

۴- اوشاقلارا بیر سالیم و شادلیق یارادان بیر اویوندی.

یئکن اولکه سینین بویوک فولکولور یازیجی سی "دکتر مبر هدایت حصاری" یازیبدی:

«يانيلتماج بير چوْخ فرقلي آدلارلا تورک فوْلکلوْروندا يـئر آلميش يانـيلتماج‎لار اوشاقلارين ديل باجاريقلاريني گئنيشلتمک و اوشاقلارين بير- بيرلريني سيناغا چکيب, ايلنجه و گولمه‌جه ياراتماق آماجيله دئـييلن سؤزلردير و بير سيرا ياخـين حرفلري و دال با دال سؤيله‌ننده دئمه‎يي چتين اوْلان سؤزلرين دئمه‎يين‌دن اوْرتايا گلير. بو سؤزلر بير جومله شکلينده يا دا بير تکرارلاما حالـيندا دئـييلير و چوْخلو نومونه‌لري واردير، جومله شکلينده اوْلان حالدا اوْنلاري بير نئچه دفه تـکرارلاما گره‎کير. يانيلتماج‎لار سؤيله‎ييشي چتين اوْلان تکرارلامالارديلار کي, بعضن يازيلي حالدا بئله اوْنلاري اوْخوماق چتين اوْلور. «يانـيلتماج», «يانيلماجا», «ياهالتماجا», «شاشيرتماجا», «تکرارلاما» و «تکرله‌مه»لر تورکلرين آراسيندا تانـينميش اوشاق فوْلکلوْرو قوْللاريندان بيري اوْلدوغو حالدا، سؤز اوْيونو کيمي ده بؤيوکلرين ياراديجـيقلاريـندا، اؤزلليکله داستانلاردا و اويدورمالاردا گؤرونور.»

یئکن اولکه سینده اولان تیکرارلاما سوزلردن بیرنئچه سی:

۱- ساوالاندان سیریلدیم سیرباشیندا میل دووردوم .ساوالاندان سیریلدیم سیرباشیندا میل دووردوم .ساوالاندان سیریلدیم سیرباشیندا میل دووردوم .

۲- آتی میندیم ایتی قوودوم ایتی قوودوم آتی میندیم.آتی میندیم ایتی قوودوم ایتی قوودوم آتی میندیم.آتی میندیم ایتی قوودوم ایتی قوودوم آتی میندیم

۳- گئتدیم گوردوم بیر بوتا دا ننم اوتوروب بیر بوتادا عبدیل اوتوروب . ننم عبدیلی سیلدی عبدیل ننمی سیلدی.ننم عبدیلی سیلدی عبدیل ننمی سیلدی.ننم عبدیلی سیلدی عبدیل ننمی سیلدی

۴- بو چیتی سوکوم تیکیم چودارچیتین ترسه تیکیم.بو چیتی سوکوم تیکیم چودارچیتین ترسه تیکیم.بو چیتی سوکوم تیکیم چودارچیتین ترسه تیکیم.

۵- گیردیم دیمانا (دگیرمان) سیلدیم سوپوردوم سیلکندیم چیخدیم.گیردیم دیماناسیلدیم سوپوردوم سیلکندیم چیخدیم.گیردیم دیماناسیلدیم سوپوردوم سیلکندیم چیخدیم.گیردیم دیماناسیلدیم سوپوردوم سیلکندیم چیخدیم.

۶- گئتدیم گوردوم بیر دره ده ارکک کورکوجیریق تولکو یاتیب بیردره ده دیشی کورکو جیریق تولکو.دیشی  کورکوجیریق تولکو ارکک کوکو جیریق تولکونون کورکون یاماماقدان ارکک کورکو جیریق تولکو دیشی کورکو جیریق تولکونون کورکون یامییر.

۷- قونشودان گلیر بئش باشماداش تاس آش .ایوای او بئش باشماداش تاس آش وای وای اوبئش باشماداش تاس آش.

۸- بو باغ بیزیم اوزوموزونوموش میوه سی اوزوموموش.بو باغ بیزیم اوزوموزونوموش میوه سی اوزوموموش.بو باغ بیزیم اوزوموزونوموش میوه سی اوزوموموش.

۹- سوتون قیماخلاشماسی یاخشیدی یا قیماخلاشماماسی.سوتون قیماخلاشماسی یاخشیدی یا قیماخلاشماماسی.سوتون قیماخلاشماسی یاخشیدی یا قیماخلاشماماسی.

۱۰- آشاغیدان گلیر بئش آتلی یوخاریدان گلیر اوچ آتلی بیربیرینه یئترنده یوموراقلاشاجاقلار قوشالاشاجاقلار.یوموراقلاشاجاقلار قوشالاشاجاقلار.یوموراقلاشاجاقلار قوشالاشاجاقلار.

۱۱- یوک اوستونده دورد(۴) گوی بورک . دوردگوی بورک دوم دورد گوی بورک.یوک اوستونده دوردگوی بورک . دوردگوی بورک دوم دورد گوی بورک.یوک اوستونده دوردگوی بورک . دوردگوی بورک دوم دورد گوی بورک.           



ادامه مطلب
تاريخ : دوشنبه بیستم مرداد 1393 | 20:6 | نویسنده : نعمت اله جعفری |
حضرت امیرالمومنین علی (ع) بویوردوغی سوزلردن :

" دوغوم گونی دونیایه گلنده سن آغلادین  و  سنین دوغومونا گوره هامی شادلیق ائدیب گولوردولر.

دونیادا ائله یاشا کی دونیادان گئدنده ، سن گوله سن و سنین اولومونه گوره هامی آغلیالار.

از فرمایشات حضرت امیرالمومنین علی (ع):

چون به دنیا قدم گذاشتی ، گریه می کردی و درحالی که دیگران به خاطر تولد تو شادی می کردند و می خندیدند.

در دنیا چنان زندگی کن که زمان مردنت تو شاد باشی و بخندی و دیگران برای مرگ تو ناراحت شده و گریه کنند.



تاريخ : سه شنبه چهاردهم مرداد 1393 | 8:55 | نویسنده : نعمت اله جعفری |

طبیعت یکان کهریز/ وبلاگ یئکن اولکه سی/جعفری

 



تاريخ : سه شنبه چهاردهم مرداد 1393 | 8:34 | نویسنده : نعمت اله جعفری |

مدرسه ده موعلليم يئنه دؤيدو اليمدن

باجارماديم فارسي'ني ايراد توتدو ديليمدن

دئديم: آغا موعلليم وورما، گؤينه دي اليم

نه دير آخي گوناهيم توركو'دور منيم ديليم

ياپيشدي قولاغيمدان دئدي: بوراخ توركو'نو

او قالدي ائوينيزده اونوت گئتسين كؤكونو

اؤيره نمه سن آب – بابا آچاجاقسان اليني

كؤتك يئيه ندن سونرا اونودارسان ديليني

 



ادامه مطلب
تاريخ : سه شنبه چهاردهم مرداد 1393 | 7:45 | نویسنده : نعمت اله جعفری |

یارین بویون قوجاخلادیم یارآغلادی من آغلادیم

 

ییغشدی قونشولار بوتون جار آغلادی من آغلادیم

 

باشیندا قارلی داغلارا دانشدیم آیرلیق سوزون

 

بیر آه چکیب باشینداکی قار آغلادی من آغلادیم

 

طاریمدا نار آغاجلاری منی گوروب دانیشدیلار

 

بویومو زیتون اوشاخدی نار آغلادی من آغلادیم

 

ایله که اسدی بیر خزان تالاندی گوللیرم منیم

 

خبر چاتینجا بولبوله خار آغلادی من آغلادیم

 

اورک سوزون دئدیم تارا سیملر اولدی پارا پارا

 

یاواش یاواش سیزیلدادی تار آغلادی من آغلادیم

 

دئدیم کی حق منیم کی دیر باشیمی چکدیلر دارا

 

طنف سیخاندا بوینومو دار آغلادی من آغلادیم

جعفری یم بویوم بالا غم اورکده قالا قالا

 

یار جانمی آلا آلا یار آغلادی من آغلادیم

 



تاريخ : سه شنبه چهاردهم مرداد 1393 | 7:20 | نویسنده : نعمت اله جعفری |

يالان دنيا

سنين بهــره ن يئين كــيم ديــر ؟
كيمينكي سن ؟ ييه ن كيم دير ؟
سنه دوغـري دئيه ن كــيم ديـر ؟
يـــالان دنيــــا ، يــــالان دنيـــا
 
ســني فــــــــــــرزانه لــر آتـــدي
قــاپيب ، ديــــوانه لـــر تــوتــدي
كــيمي آلدي ، كــيمي ســاتدي
ســــاتـــان دنيــــــا ، آلان دنيــــا
"استاد شهریار"
آذربایجان افتخاری بویوک شهریار


ادامه مطلب
تاريخ : سه شنبه چهاردهم مرداد 1393 | 7:0 | نویسنده : نعمت اله جعفری |

عومور و یاشاییش

                  بو دونیادا

                        او "بوز ساتانین "

                              حیکایه سینه بنزر کی

                                                 سوروشدولار

                                                         نه قدر ساتدین ؟

                                                             دئدی : هئچ نه ساتمادیم

                                                                                    آمما قوتولدی.



تاريخ : سه شنبه چهاردهم مرداد 1393 | 6:26 | نویسنده : نعمت اله جعفری |
شعری در سوگ برادر زاده نوجوانم " علی جعفری " که در سانحه تصادف و در روز سیزدهمین سالگرد تولدش از دست دادیم.

عموجان : همیشه در قلب ما هستی

باغم هجران چه کنم؟

چه کنم با غم تو ای گل خندان چه کنم

توبگو نازعمو با غم هجران چه کنم

عادت دیده من دیدن رخسار توبود

بی نصیب ازرخ تودیده گریان چه کنم

دردلم بود تورا حجله گهی در پیش است

حجله خونین شد ومن بادل نالان چه کنم

خواهد آغوش من اینک که تودربرگیرد

این همه فاصله افتاده زجانان چه کنم

سایه شوم اجل زود به سردیدی عمو

حکم از صاحب جان آمد ویزدان چه کنم

             شعر : نعمت اله جعفری

تقدیم روان پاک برادرزاده ام : علی جعفری



تاريخ : دوشنبه سی ام تیر 1393 | 3:37 | نویسنده : نعمت اله جعفری |
آچیلمامیش سولان چیچک           دونیانی یاندیران چیچک

                                      " علی "

آچیلمامیش سولان چیچک       دونیانی یاندیران چیچک

تئللرن شانه وورایدیم ،اودا بیر گونلریدی
باشیوا من  دولانایدیم، اودابیر گونلریدی
سن بوی آتدیقجا " علی"من تله سیدیم طویوا

سایه وه دالدالانایدیم ،اودا بیر گونلریدی

****          ****          ****

سورونوب گلیم مزاره، بودا بیر گوندی"علی"

 باشیما قیلیم نه چاره ،بودا بیر گوندی " علی"

آناوین حالینه بیرباخ سورا اوز قوی سفره

خنجرین ووردی زمانه ، بودا بیر گوندی "علی"

****          ****          ****  

او گوزل قدّ و شمایل، اودا بیر گونلریدی

من سنه باخماقا مایل، اودابیر گونلریدی

سنه سوت وئردیگیم آی ائیل، اودا بیر گونلریدی

چوخ سئوردیم آچاسان دیل ، اودا بیر گونلریدی

             بالا منسیز هارا گئتدین ، بودا بیرگوندی "علی"

              اولمویا قالماغا گئتدین ،بودا بیر گوندی "علی"

             علی چوخ سیزلامیشام من، ائله سنسیزلمیشم من

             نازبالام توپراغا گئتدین ، بودا بیر گوندی "علی"

                                " نعمت اله جعفری"

                                                 



تاريخ : جمعه بیست و هفتم تیر 1393 | 6:49 | نویسنده : نعمت اله جعفری |

زلیم خان یعقوب دان چوخ دیرلی و معنالی بیر شعر:

قاییداق اوّل کی خاطیره لره 

بۇ گۆن ده‌ن صاباحا اۇزانماسێن ال،

هله صاباحلارا باش وۇرمایاق گل،

نئجه یاشامێشێق میلیون ایل اووه‌ل،

گۆلـلـه‌ر شئهه باتسین، چیچه‌کله‌ر زره،

قایێداق اووه‌ل کی خاطیره‌له‌ره،

 

ایلک سئوگی چیچه‌یی هاردا آچیلیب،

کیمین چین گؤیه‌ریب چمه‌ن بیر اینجی،

سئودا یوْللارێنا جان آتان گؤزل،

نه سن بیر اینجی سن، نه من بیر اینجی،

آنالار نه قده‌ر اوْغۇللار دوْغۇب،

مجنون‌لار دوْغۇلوب بلکه مین کره،

قایێداق اووه‌ل کی خاطیره‌له‌ره،

 

عشقین سارالمایان چؤهره‌سی سن اول،

توْخۇمو من اوْلۇم، پؤهره‌سی سن اول،

آشێق بیر هفته‌لیک داستان باشلاسا،

طاهیری من اوْلۇم، زؤهره‌سی سن اول،

شئهلی چمه‌نله‌ردن گۆل دره - دره،

قایێداق اووه‌ل کی خاطیره‌له‌ره،

 

آلدادان، آلدانان، ساتدێران ساتان،

دونیانێن ایشله‌ری مزه‌دی هله،

اینسانین اینسانا موناسیبه‌تی،

تیکان دی، قاندالدێ، نئیزه دی هله،

کؤهنه خاطیره‌له‌ر دینسین، دانیشسین،

تزه خاطیره‌له‌ر تزه‌دی هله،

قایێداق اووه‌ل کی خاطیره‌له‌ره،

 

بۇ گۆن کی سئوگیله‌ر خاطیره‌له‌شمیر،

بۇ گۆن خاطیره‌یه دؤنمه‌ک چتین‌دی،

سوْیۇق اۆره‌کله‌رده اؤلۆر دوْیغۇلار،

ایستی اۆره‌کله‌ره ائنمه‌ک چتیندی،

آغرێدان، عذاب دان، یاس دان، قایغێ دان،

دانێشماق چتیندی، دینمه‌ک چتیندی،

اؤز سئوگی پایێنی گؤتۆرسۆن هره،

قایێداق اووه‌ل کی خاطیره‌له‌ره،

منیم بو کؤلگه ده بیر خاطیره‌م وار

 

ساخلایا بیلیردیم واختێ، ساعاتی،

یاشایا بیلیردیم عؤمرۆ، حیاتی،

شیرین بیر اوْخشاما، کؤوره‌ک بایاتی،

بۆتون عؤمرۆم بوْیۇ اوْنۇتمادێغیم،

واختین اللـه‌ریمه کئچدییی چم وار،

منیم بو کؤلگه ده بیر خاطیره‌م وار،

 

باشێمین اۆستۆنده بارلێ بیر بۇداق،

بۇداغێن آلتێندا اوْدلۇ بیر دوْداق،

ایلله‌ردی آغلایێر اوْردا بیر بۇلاق،

یارپاقلار اۆستۆنده هله ده نم وار،

منیم بو کؤلگه ده بیر خاطیره‌م وار،

 

اۆز کؤزه دؤنمۆشدۆ یاناقلار زره،

آرخادا اۇچۇروم، قارشێدا دره،

هر اینسان عؤمرۆنون خاطیره‌له‌ره،

یئتدیی مقام وار، چاتدیغێ دم وار،

منیم بو کؤلگه ده بیر خاطیره‌م وار،

 

بۆرۆنوب غرق اوْلۇب یاشێل تۆللـه‌ره،

نغمه تک آخاردێ صاف کؤنۆللـه‌ره،

حئیف تئز قاریشدێ سوْلان گۆللـه‌ره،

ایندی اۇزاقلاردا بیر بختی کم وار،

منیم بۇ کؤلگه ده بیر خاطیره‌م وار،

 

تۇتور بیلدییینی یارادان خالیق،

ائله بیل دریادان آیرێلیر بالێق،

یاش کده‌ر گتیریر، زامان قوْجالێق،

گؤزۆمده حسره‌ت وار کؤنلۆمده نم وار،

آغاج کؤلگه‌سینده بیر خاطیره‌م وار،

منیم بو کؤلگه ده بیر خاطیره‌م وار،

" زلیم خان یعقوب "



تاريخ : جمعه بیست و ششم اردیبهشت 1393 | 0:3 | نویسنده : نعمت اله جعفری |

بیز نییه سئومییه ک بیربیریمیزی

یئر گؤیۆ، داغ داغێ، داش داشێ سئودی،

تانرێ ناخێش وۇردو نقاشی سئودی،

گؤز گؤزه بوْیلاندێ، قاش قاشێ سئودی،

بیز نییه سئومییه‌ک بیر - بیر یمیزی،

 

چمه‌نله‌ر توْرپاغا خالی چکیرسه،

خالێدا یاشێلێ، آلی چکیرسه،

آری چیچه‌کله‌رده‌ن بالێ چکیرسه،

بیز نییه سئومییه‌ک بیر - بیر یمیزی،

 

اۇلدوزلار سایرێشێب گؤز وۇرۇر آیا،

چئشمه‌له‌ر چاغلایێب تؤکۆلۆر چایا،

سئوه‌نله‌ر گلیرسه هر گۆن دونیایا،

بیزنییه سئومییه‌ک بیر - بیر یمیزی،

 

گۆل شئهدیده‌ن گۆج آلێر، مامێر قایادان،

گؤز اوْد دان قێزارێر، چیچه‌ک هایادان،

سۆزۆلۆب گلیرسه کؤکده‌ن، مایادان،

بیز نییه سئومییه‌ک بیر - بیر یمیزی،

 

عؤمور گؤز قێرپیمی، فیرصه‌ت آزدێسا،

کؤنۆل سوْن نفس ده سێنان سازدێسا،

اۆچۆب الیمیزده‌ن گئدن یازدێسا،

بیز نییه سئومییه‌ک بیر - بیر یمیزی،

 

عؤمرۆن هم سئوینجی، هم آهێ وارسا،

پروانه یانغێسێ، شمع آهێ وارسا،

آده‌مین جننه‌ت ده طاماحی وارسا،

بیز نییه سئومییه‌ک بیر - بیر یمیزی،

 

یاغێش گؤزه‌للـه‌رین اؤپۆر اۆزۆنۆ،

داملا پێچیلتێلا دئییر سؤزۆنۆ،

شلاله قایادان آتێر اؤزۆنۆ،

طوفان داغێ سئویر، دالغا دنیزی،

بیزنییه سئومییه‌ک بیر - بیر یمیزی،

" زلیم خان یعقوب "



تاريخ : پنجشنبه بیست و پنجم اردیبهشت 1393 | 23:56 | نویسنده : نعمت اله جعفری |

گوزه‌لدیر

پاییز کؤوره‌لده‌ندیر، باهار جوْشدۇران،

منی سرت ائله‌یه‌ن قێش دا گؤزه‌لدیر،

اۆره‌یین داشدێمێ دئمه، ائی اینسان،

دویماغی باجارسان، داش دا گؤزه‌لدیر،

 

بیر گؤزه‌ل چێخاندا چمه‌نه، دۆزه،

فیکیر وئر یاناغا، نظه‌ر سال اۆزه،

گؤزه‌للیک باخارمێ ایرییه، دۆزه ؟

دئمه کی، ایریدی قاش دا گؤزه‌لدیر،

 

«زلیمخان» اوْلماسین نه آه، نه آمان،

آغرێدان آغلاماق یاماندێر، یامان،

سئوینجین قلبینی دوْلدۇران زامان،

یاناخدان سۆزۆله‌ن یاشدا گؤزه‌لدیر،

"زلیم خان یعقوب"



تاريخ : پنجشنبه بیست و پنجم اردیبهشت 1393 | 23:50 | نویسنده : نعمت اله جعفری |