من یکانام

من یکانام تاریخلرده آدیم وار

شهرتیم وار،حرمتیم وار،یادیم وار

غیرتیم وار،حق سوزه اوستادیم وار

اصیللیم اوستادلار مکانیام

******

من یکانام ، قالاداغدان یاراندیم

نئچه پارا کندم بونا ایناندیم

چوخلی ظولوم - ظلمتلره دایاندیم

غیرت لیم اوغلانلار مکانیام

******

آشاغی یئکان*،یوخاری یئکان*،امیرآباد*

اصلی کند*،ینگجه*، سعدی* ،نورآباد*

مغوللو*،شامقللو*،چایکسن* ،ائت یاد

سئوینلیم ، اینسانلار مکانیام

******

تاریخده یازیلیب اوجا فرهنگیم

"مهرگانلار"* تکین واردی سرهنگیم

جبهه لرده واردی "مظفر جنگیم"*

گوونیرم شهیدلر مکانیام

******

واریم بخشعلی خان،قوچعلی خانلار*

مدرسه گتیرن نوراله خانلار

آلمانی بوشلایان اول مهرگانلار

غیرتلیم غیرتلر مکانیام

یازیر " تیمور " آباد اولسون یئکانات

غمدن گره ک آزاد اولسون یئکانات

تاریخلرده فریاد اولسون یئکانات

بو تاریخده اینسانلار مکانیام

******

شاعیر: سید تیمور جامعی /یکان کهریز

------------------------------------------------------

۱-آشاغی یئکان(یکان کهریز)

یوخاری یئکان( یکان علیا )،امیرآباد

اصلی کند،ینگجه، سعدی(یکان سعدی) ،نورآباد

مغوللو،شامقللو،چایکسن =یئکن اولکه سینین اون سگیز پارا کندلریدیلر

۲- مهرگان : "سرهنگ محمد حسین مهرگان" یکان کهریزین آدلیم بیر سرهنگی و "دکتر هوشنگ مهرگانین" آتا سی. رحمتلیگین ائتدیگی وصیتینه گوره آلمانیا دا وفات ائدندن سونرا دوغما وطنینده توپراقا تاپشیریلدی.

۳- مظفرجنگی :یئکان اولکه سینین ایگیت و قهرمان بالاسی "شهیدمظفر جنگی"کی تحمیلی جنگیده شهیدلیک مقامینا یئتیشیب.

۴- بخشعلی خان،قوچعلی خان: یئکن اولکه سینین مشروطه انقلابدا آدلیم و ایگیت قهرمانلاریدیلار