|
یئکــــــــن اولکـــــــــه ســــــــــی یئکن اولکه سینین تاریخی - ایگیتلری - شاعیرلری- دب لری-یازیچیلاری- خبرلری - آتالاردان قالان سوزلری
|
چیلله گئجه سی آغاج بوخاریسی ائوده یاناندا قره چایدان قاینیان گونلر اولاردی اووزون چکمه آیاغیما گیینده قای اوسته اوینایان گونلر اولاردی بیرده ائشیدیدیم کوله یین سسین داغ ، دره ده قورد، تولکونون ناله سین خان ننه مین شنگولونون قصه سین قورد منگولی یین گونلر اولاردی کورسی اوسته چیلله میزین قایپیزی یایدان قالان گولبسری ، یاییپیزی گلردی بیزلره دایی،دایقیزی بیر یئره ییغیشان گونلر اولاردی سرین کولک گلیب قاپی دوینده کورک دامدان قایلاری کوروینده اوشاق قایدا اوینایاندا،گولنده قای گوله سی یین گونلر اولاردی یازار "تیمور" چیلله قیشی گتی یر محبتی اورکلره یتی یر اورکلردن غم، غصه نی ایتی یر بادام ،جویز یین گونلر اولاردی قوشانی: سید تیمور جامعی . یکان کهریز
[ جمعه هشتم آذر ۱۳۹۲ ] [ 23:41 ] [ نعمت اله جعفری ]
[ ]
|
درباره وبلاگ  نئچه دیل بیلن نئچه اینساندی. اؤز دیلین بیلمین نئجه اینساندی. آدیم نعمت اله و جعفری طایفاسیندان. مرندشهرینین یئکنات ماحالی و یئکن کهریزده دونیایا آیاق قویموشام. ایندیلیکده اورمو شهرینده یاشیرام. آنایوردوم یئکن اؤلکه سین چوخلی سئومگیمه گوره بو وبلاگی قویموشام بلکه بو گوزل یوردومی و خالقیمی بوتون دونیایا تانیددیرام. حورمتلی وطن داشلاریمدان ایسته ییرم یئکن ماحالینا گوره بیلدیکلرینی ایمیل یا کامنت ایله بیزه یوللاسینلار. گول اللریزی اوپوب گوزوم اوسته قویورام. |
| [قالب وبلاگ : سیب تم] [Weblog Themes By : SibTheme.com] |