طاقتیم گئتدی قراریم یئنه الدن

یئنه فریاد ائلیرم ای گوزل آلله

یئنه مشتاق اولورام صبریوه

ای صبره خزینه !

یئنه مدهوش اولورام فضلیوه

ای فضل دفینه !

سنه مین باش وئره گر ,

عشق نشان اولماسا ,

هرگیز

آددیم آددیمدان آتانماز ,

شریانیم قیریلیر خلف شهادت ده ییل البته

اورک جان بوجاغیندا

ائله دارتینمادا تا یول وئره معشوق

شرف عشق چالا شوکت محبوب

نظرین کسمه سن ای درد کلامین جانا چاتمیش

آلیشیر خانه ی دل ,

ساحت ملکون گوره مجنون

صبر وئر ,

طاقتیم گئتدی قراریم یئنه الدن

یئنه لیلا زولوفونی گورمده باش وئردی

مصفای وجودوم

اولا مجنون

سانیرام کورپه اوشاق تک

حامی محبوب اولوری

دیده نا دیده سرابیم

بورولوب بوش بوش اوتورماق نه یه لازیم

قوی گله قوی چالا سازین

درس خوش رقص سما چالمادا رازین

شرطی یوخدور

حامی پروانه اولوپ

جانی بو جانانه قاتیبلار

حامی هم ساز اولا بیلسه

حامی دمساز اولا بیلسه

اوندا هچ فاصیله قالماز

بو سرابین نظر ایچره منیله سن داها اولماز

اوندا بیرلشمده یالتاخ داها یوخدور

چکیل ای شیطنتین چرخه دایانمیش

قوی بو انسان جانا دیسین

فلکین چرخی قیریلسین

قوی بو لیلا صنم اولسون سره لنسین

تانریدان فرش زمان ایچره فنا در سپله نسین

عاشق اوتلانمادا میخانه یولی

عشقه بورونسون

رضا رحیق