حورمتلی وطن داشیمیز " چنگیزآقایی" مرند شهرینین یئکنات ماحالی و کهریز یئکنده دونیایا گوز

آچیب و اوز دوغما وطنیننه اولدوغی سئوگیه گوره بو گوزل شعری آنا دیلینده .دئییبدی.

دئمه لییک کی "شیر شیر" کهریز یئکنین داغلاریندا اولان بیر اوجاداشدی کی اوداشین

اورتاسیندان سو آخیرو بونا گوره بو داغین آدینا "شیر شیر " دئییللر.

تانریدان بو ذوقولی وطنداش شاعیریمیزه جان ساغلیقی ایسته یب و بو گوزل شعری

یوللادیغینا گوره چوخلی مینت داریق .

شیر شیر
گئنه باهار گلدی اوتون دولاشدی
ایت بوینولار اتگینده گول آشدی
جانانین لب لری یادیما دوشدی
                                   گورنده قیرمیزی گول لرین شیرشیر

اوجا باشین اوسته دولانیر دومان
سنین قوجاغیندا قوجالماز جاوان
دوشونده لاله لر آچیلان زامان
                              جسمه جان باغیشلیر یئل لرین شیرشیر

سوسوزلوق یکاندا سینه داغلییر
گول بولاقدا جماعت صف باغلییر
باخیر بیزه بولاقلارین آغلییر
                                   گوندر گله کنده سئل لرین شیرشیر

وطن دیر انسانین آرام جانی
وطن دیر ایلیگی وطن دیر قانی
خان خانلیق زامانی سلطانی خانی
                                     سایمادی آزاده ائل لرین شیرشیر

سن حیدرباباسان منه یار کیمی
من سنه باغلیام شهریار کیمی
اوره گیم عشقنده سینیق تار کیمی
                                         دیللندیریر تارین تئل لرین شیرشیر

شاعیر: چنگیز آقایی