|
یئکــــــــن اولکـــــــــه ســــــــــی یئکن اولکه سینین تاریخی - ایگیتلری - شاعیرلری- دب لری-یازیچیلاری- خبرلری - آتالاردان قالان سوزلری
|
یئکناتآي ايشيغي تورپاغيمي اؤپنده ائليميزين چیراغیدیر یئکنات قارا شاختا ايله قيشدا ووروشان آل گونشين یاراغیدیر یئکنات اوغوزلارا مسكن اولوب بو تورپاق كؤزو ساخلار كول آلتيندا بو اوجاق ياشيل سروه ياراشيق دير بو بوداق قيزيلدفتر واراغيدیر یئکنات بير آغاجدير كؤكلو بولدور بوداغي ياخار قيشين قنيميدير اوجاغي عدالتین سوسوزو دور تورپاغی آزادلیغین داياغيدير یئکنات اوزاقلاري گؤرن ايتي گؤزو وار ساتقينلاري ياخان سؤنمز كؤزو وار آشيقلارين سازلاريندا سؤزو وار دیلیمیزین بولاغیدیر یئکنات تاریخ بویو گؤستریبدیر هونرین ميدانلاردا گزديريبدير كهرين قوناقلارين بير ده سينماز ارلرین آیاغینین تورپاغیدیر یئکنات بوردا بيتر ايييدلييين چيچهيي بخشعلي دير نوراله خان كؤمهيي هادي خانين قاتلانمادي بيلهيي آسلانلارین یاتاغیدیر یئکنات باسيلماز هئچ زامان سارا ترلاني ايشيغا جان آتار قووار دوماني اؤز ديلينده بولدور قوشما قوشاني ادبيّات اوجاغيدير يئكنات (سيّد) دئيير داغلاريني قارآلیب باغلاريندا گول يئريني خار آليب كؤچنلردن اؤترو رنگي سارالیب غم آتينين تاپداغیدیر یئکنات ********************
آی ائللر
بیر ایل ایشیق گؤردوک گولدو یازیمیز
باغدا آچدی چیچهییمیز آی ائللر
ییغناق قوردو دستان آچدی سازیمیز
یاسدان چیخدی اورهییمیز آی ائللر
پاییز گلدی اسدی قارا سازاقلار
یارپاقلارا حسرت قالدی بوداقلار
یئنه ده بوش قالدی یاشیل قوجاقار
تالان اولدو امهییمیز آی ائللر
شاختا یاغدی باغدا گوللر تؤکولدو
یئنه داغلار اوسته دومان چؤکولدو
قیزیل دامین کرپیجلری سؤکولدو
چیرکین اولدو گؤیچهییمیز آی ائللر
قارا گونلر اولدو یوردون همدمی
دردیمیز اود توتدو یاخدی عالمی
تورپاغیمیز اولدو یییهسیز زمی
سوسوز قالدی دیلهییمیز آی ائللر
ارلر ظالیم قولاغینی بورمادی
قان ایچنه دار آغاجی قورمادی
«بیر مرد اوغول بیزه هاوار دورمادی»
ساتدی بیزی کؤمهییمیز آی ائللر
ایسینمهیه هله کؤز وار اوجاقدا
دورو سولار گؤزه دَییر بولاقدا
(سیّد) دئیر بیزیم یاشیل تورپاقدا
گولهجکدیر چیچهییمیز آی ائللر
[ چهارشنبه ششم دی ۱۳۹۱ ] [ 19:26 ] [ نعمت اله جعفری ]
[ ]
|
درباره وبلاگ  نئچه دیل بیلن نئچه اینساندی. اؤز دیلین بیلمین نئجه اینساندی. آدیم نعمت اله و جعفری طایفاسیندان. مرندشهرینین یئکنات ماحالی و یئکن کهریزده دونیایا آیاق قویموشام. ایندیلیکده اورمو شهرینده یاشیرام. آنایوردوم یئکن اؤلکه سین چوخلی سئومگیمه گوره بو وبلاگی قویموشام بلکه بو گوزل یوردومی و خالقیمی بوتون دونیایا تانیددیرام. حورمتلی وطن داشلاریمدان ایسته ییرم یئکن ماحالینا گوره بیلدیکلرینی ایمیل یا کامنت ایله بیزه یوللاسینلار. گول اللریزی اوپوب گوزوم اوسته قویورام. |
| [قالب وبلاگ : سیب تم] [Weblog Themes By : SibTheme.com] |